وفاة رجل وزوجته في شقتهم من سنوات

وفاة رجل وزوجته في شقتهم من سنوات .

حكايه هزت الإعلام وهزت مدينه الاسكندريه .

حكايه شبه روايات الف ليله وليله . بس حزينه اد ايه الناس بقت جامده وقلوبها جاحده وضميرها ميت

دى عظام حقيقية لمسن 70 سنةً وزوجته 65 سنةً لقوهم مرمين جنب صندوق زبالة فى إسكندرية .. ماتوا وحيدين ولم يسأل عنهم قريب ولا بعيد ولا حتى جار

عاشوا حياتهم ف هدوء وتوفوا فى شقتهم بهدوء من 7 سنين لحد ما اتحللت جثثهم تماما .

واللى سأل عليهم كانوا مجموعة من اللصوص و الحرامية ( 6 اشخاص ) اللى لقوا الشقة موجودة من سنين طويلة ومفيش حد بيجى فيها ولا يسأل عنها فقرروا يستولوا عليها بعقود مزورة (انهم اصحاب الشقة) ولما قرروا يفتحوا الشقة .. اتفجئوا لما لقوا فيها عظام الزوجين اللى ماتوا من 7 سنين ومفيش حد سأل عنهم .

فقرروا يتخلصوا من العظام ورموها جنب كيس زبالة فى طريق المحمودية باسكندرية

الرعب الحقيقى ف ان بعد العثور ع العظام و القبض ع اللصوص .. التحريات والطب الشرعى .. اثبتوا ان الشقة تخص زوجة مسنة تعول زوجها المسن اللى عنده شلل رباعي وتوفت زوجته داخل الشقة قبله وهو مات بعدها بسبب الجوع و العطش و عدم قدرته ع التحرك دا بجانب حزنه الشديد عليها طبعا .

حقيقى مش عارف اقول ايه .. لكن مجرد تخيل انهم فى السن دا 70 سنةً و 65 سنةً ومفيش حد سأل عليهم ع مدار السنين دى كلها لا ابن ولا ابنة ولا جار ولا جارة ولا حتى أقارب ليهم واللى اكتشف دا كانوا مجموعة من اللصوص .. يعنى لولا اللصوص كان زمان عظامهم موجودة داخل الشقة لسنين وسنين

كل اللى اقدر أقولوا .. اكتر شىء فعلا بيخرف منه الانسان هو الوحدة .. الوحدة الم وعذاب وبتقتل .

فربنا يكرمكم أدعولهم بالرحمة ويارب ما ف شخص يموت وحيد زيهم .

اتكلموا عنهم وادعولهم وخلوا اصحابكم بدخولهم .. عسى اننا نلاقى اللى يدعى لينا ف يوم ما .