مهاره التصنيف . ما هو التصنيف وهل التصنيف مختلف عن الفرز

مهاره التصنيف ( classification skill)

ايه هو التصنيف ده و هل التصنيف مختلف عن الفرز ؟
ايه علاقه التصنيف  بالغه وبالكلام  وهيفيدوا بايه ؟
.ليه اخصائى التخاطب بيشتغل مع ابنى تصنيف ؟

اولا:التصنيف احد العمليات الادراكيه العليا .
فهو تميز الاشياء عن بعضها البعض وفقا للتشابهه فى خاصيه او عده خصائص معينه وبساعد الطفل على زياده قدرته على مرونه وتوزيع الانتباه. ويمكن تدرج مهارات التصنيف مع الاطفال من المستوى البسيط الى مستوى تصنيف الكلمات والاصوات ...

اما الفرز sorting هى عمليه انتقائيه لشئ واحد ومحدد وفقا لسمه واحده زى (هنطلع كل الى لونهم احمر بس،او طلب من الطفل استخراج مجموعه واحده فقط) وهى مرحله الاسبق والابسط  من التصنيف
 وغالبا بنشتغل المهارتين بالتبادل مع الطفل وفقا لمرحلته المناسبه  .
 ويبدء الطفل فى اكتساب مهارات التصنيف وفقا للشكل والوزن والحجم  فى العديد من البرامج النمائيه من سن 24-30شهر  والمرحله الاوليه دى مش بيكون الطفل مدرك لمسمى الشئ او عرفه يعنى مش شرط يعرف ده احمر لكن بشكل بصرى هيصنف حسب التشابه ف اللون .

 السؤال التانى ايه فايده التصنيف وعلاقته باللغه ؟
١.التصنيف بيساعد على نقل الانتباه بين اكتر من مشتت .
٢.التصنيف بيساعد على تخزين المعلومات وفقا للسمات مشتركه وده بيسهل استرجعها جدا من الذاكره .
3.بينمى مفردات ومرادفات لمعانى الطفل بشكل اكبر من المستوى الشكل الظاهرى فقط .
4.والمستويات العليا من التصنيف بتعمل على ادراك والتحليل والتفكير فهم التشابه والاختلاف وفهم السبب فى التشابه.
بردوا ايه علاقه ده بالكلام

اثناء تدريب الطفل على التصنيف اخصائي  التخاطب مش بس بيقوله اسماء المجموعات دول فاكهه ودول ملابس وخلاص لا لان ببساطه كده هيحفظهم وكتير بنلاقى الولاد تتلغبط فلازم نعلمه اسباب التشابه الى خلت كل للمفردات دى تتسمى باسم مجموعه كذا  .
فراوله من الفواكه ليه ؟عشان طعمها مسكر(سبب)
حصان حيوان عرفت ازاى انه من الحيوانات   عنده اربع ارجل وعنده ديل ...(سبب)
 بيعلمه كمان المردفات واسماء المجموعات  يعنى ايه ملابس ؟~يعنى هدوم ~الحاجات بلبسها (فهنا بتدخل مردفات الكلمه) ....
وبيبدا يدرجله مجموعات تصنيف مختلفه ومتنوعه مش بس المجموعات الضمنيه الاوليه فواكه وخضار وحيوانات ومواصلات .
1.تصنيف وفقا للسمه (الحاجات اللى بتطير)
2.التصنبف وفقا للوظيفه او الفعل (الى بكلها،الى بلبسها )
3التصنيف وفقا للخواص (مصنوع من الخشب، الحديد)
4.التصنيف وفقا لاماكن   تواجد الاشياء
5.التصنيف ممكن كمان يدخل فى المهارات الاكاديميه ويتم التصنيف لمجموعه من الكلمات وفقا لتشابها فى الصوت الاول مثلا او فى وزنهم وعدد مقاطعهم

وغيرهم كتيييييييييييير من الافكار التصنيف وفقا لسمه المطلوب التصنيف ع اساسها ووفقا لدرجه ادراك الطفل ووعيه