تحس ان الفيروس دا جه في وقت الناس كانت خلاص محتاجه قلم يفوقها

تحس ان الفيروس دا جه في وقت الناس كانت خلاص محتاجه قلم يفوقها من اللي

هي فيه .

قلم للصين والهند وما شابههم من الكفار على فجورهم مع المسلمين.

قلم للسعودية على استهانتها بقدسية ارضها والحفلات والمسخرة اللي بتحصل قرب الحرمين الشريفين والانحلال اللي ماشيين ف طريقه بخطى ثابته.

قلم لأمريكا واوروبا اللي افتكروا أن مافيش أكبر منهم

قلم لمصر اللي انتشر فيها كل أنواع القذارة من رقص وغني ومخدرات وعربده ولا كأنهم ولاد عم قريش واللي اترفع فيها اللي مالهوش قيمه واتداس ع الطبيب والمعلم والمهندس وكل اللي تعبوا بجد وبقي اللي يقول حرام إرهابي ومتشدد واللي ينصح يبقى عايش دور الشيخ

قلم للمسلمين اللي بعدوا عن ربهم وبيوته في الأرض فمنعهم عنها بالإكراه فبقي الشاب اللي كان بيكسل ينزل المسجد نفسه يعدي ويلاقيه مفتوح.

قلم للي كان بيفوت صلاته ويكسل يقرأ القرآن أن قد ايه هو مقصر وخايف من لقاء ربنا

قلم لبيوت المسلمين اللي اتفككت وأصبحت الاسره لا تجتمع الا في المناسبات فمن رحمة ربنا أعطاهم فرصه إصلاح يصلوا ويذكروا ربنا سوا ويرجع حضن الأب والأم يغمروا البيت

قلم للي افتكر ان الموت بعيد عنه وعن احبابه فقطع رحمه وخاصم أهله لأسباب دنيوية تافهه وفجأة لقوا الناس ب تخطف منهم

قلم للحكام والمسئولين اللي طغوا ف الارض ومهما عليت ف انت أضعف من كائن لا يرى بالعين المجردة

قلم للعمال اللي كانوا يسمعوا الأذان ويخافوا على أكل عيشهم من ٥ دقايق يوقفوا فيها ونسيوا أن ربنا هو الرازق ونداء حي على الصلاة ف لقوا نفسهم قاعدين ف بيوتهم بدون عمل واشغالهم وقفت.

الفيروس جه فجأه وللعالم كله بغض النظر عن اختلافات جينيه أو عوامل طقس أو جغرافية الدول المختلفه كأنه بيثبت للبشر انهم واحد وكفايه عنصرية وغباء

الفيروس جه قلم لينا كلنا بس يارب نفوق قبل فوات الأوان 😔😔

( اللَّهُمَّ إِنِّي أَعُوذُ بِكَ مِنْ زَوَالِ نِعْمَتِكَ ، وَتَحَوُّلِ عَافِيَتِكَ ، وَفُجَاءَةِ نِقْمَتِكَ ، وَجَمِيعِ سَخَطِكَ )

ملحوظه دي كتابه تعبير جوايا ارجو اكون وصلت وجهه نظري صح