تفريز الخضار .اكياس حفظ الطعام

    •  تفريز الخضار .

يجب الانتباه عند شراء الخضروات، والفواكة أن لا يكون فيها ضرر. يجب عند التسوق عدم وضع كيس الخضار أو الفواكة بجانب كيس اللحم، أو الدجاج. يجب وضع الخضار، والفواكة في أكياس ووضعها في الثلاجة مع عدم وضعها بجانب أكياس اللحم، أو الدجاج. يجب فصل الخضار عن الفواكة عند تخزينهم، لأن بعض أنواع الفواكة مثل التفاح، والشمام تعمل على خروج غاز منها (غاز الإيثالين)، ويعمل هذا الغاز على نضوج الفواكة أو الخضار بشكل أسرع. يجب عدم بقاء الأكياس محكمة الإغلاق، في حال شراء الخضار المبكتة أي داخل أكياس، فيجب عمل شقوق فيها للمحافظة عليها سليمة .

 • اكياس حفظ الطعام .

 دى اهم حاجه فى التخزين وهاتى النوع الى فى الصوره لان النوع ده انضف نوع مش بيتفاعل مع الاكل وأمن جدا
وهاتى اكياس وسط والا صغيره اوى والا كبيره وقسمى الفراخ واللحمه والخضار على قد الطبخه
اولا لان غلط جدا تفكى لحمه او فراخ وترجعيها تانى الفريزر
ثانيا هيوفرلك وقت كبير فى انك تفكى عشان هطلعى على قد طبختك
موجوده فى السوبر ماركت .

• تفريز الخضار .

•هاتى كيلو مثلا من الخضار واعملى جزء وشيلى الباقى فى الفريزر كل ما تعملى اعملى كده هتلاقى عندك على طول
• البروكلى والقرع والسبانخ  والبسله يتغسلوا كويس يتحطوا نايين مقطعين والبسله متفصصه وياريت نصفيها خالص من المايه عشان تبقى متفرطه فى الكيس مش لازقه فى بعض
• الكرنب يتسلق فى ماء وكمون صحيح ويقطع  وعلى الفريزر
 • القلقاس اغسليه وقشريه وقطعيه مكعبات وعلى الفريزر
• الفاصوليا والباميه المتقمعه وبعد الغسل والتقطيع ينزلوا ماء مغلى بمعلقه سكر صغيره لدقيقتين ويطلعوا على ماء مثلج به مكعبات تلج للحفاظ على اللون
• ورق العنب يفرد ويرص جيدا ويجمد فى اكياس الحفظ ويطلع على المايه السخنه يتسلق على طول من غير ما يفك
• الخرشوف نظفيه وحطيه فى ماء وملعقتين دقيق كبار او عصر ليمون واسلقيه فيها ربع سلقه وطلعيه عى ماء مثلج وعلى الفريزر
• الملوخيه .
 بعد ما تتقطف وتتغسل وانشفها بحطها فى اكياس واضغط عليها اطلع الهواء وعلى الفريزر وتطلع على الكبه وهيا مجمده تتفرم وعلى الشوربه على طول .
• الطماطم .
بجيب الطماطم  واغسلها كويس واعملها علامه xبالسكينه من فوق
او قطعيها نصين
  واحطها فى حله من غيره مايه خالص واسبها تنزل مايتها واطلعها اقشرها
 وبعد كده اضربها بالهاند بلندر او فى الخلاط  و اضرب معاها فلفل الوان احمر
 واسبكها على النار بمعلقه سكر لغايه ما تتقل خالص وتبقى صلصه
 واطلعها على برطمانات متعقمه بس لما تهدى شويه وتبرد واهم حاجه منملاش البرطمان على الاخر نسيب مكان فاضى عشان هتتمدد فى الفريزر وممكن تكسر البرطمان
وممكن طبعا نحطها فى اكياس محكمه الغلق مخصصه للطعام وتحفظ مجمده فى الفريزر
• طريقه اسهل للطماطم .
نغسل الطماطم كويس اوى ونحطها فى حله على النار بدون ماء لان هيا هتنزل مايتها
وبعد كده نضربها كويس مع فلفل الوان احمر ونصفيها
ونرجعها على النار تتسبك مع معلقه سكر
ونسبها تبرد ونحفظها فى برطمانات متعقمه وناشفه تماما فى الفريزر
• عصير الطماطم  .
وممكن طبعا تضربيه مع فلفل احمر الوان وتصفيها وتشيليها كده فى اكياس فى الفريزر .
• خضره المحشى .
الشبت والبقدونس والكزبره بغسلهم كويس وانقعم شويه فىً مايه وسكر  وخل واغسلهم تانى وانشفهم شويه فى فوطه
واشيليهم زى ما هما فى اكياس حفظ طعام واطلعهم اضربهم فى الكبه مع البصل عشان خلطه المحشى .
• الثوم .
التوم بيتقشر ويضرب مع شويه ملح صغيرين ويحفظ فى برطمانات فى الفريزر
• البصل .
بيتفرم عادى ويحفظ فى اكياس حفظ الطعام
لاكن يفصل يكون طازج .
• البطاطس المحمره .
بقطع البطاطس صوابع كبيره شويه  واغسلها واحطها فى ميه متلجه وبعد كده اقليها ربع قليه عشان ماتتهريش منى واطلعها على ورق تتصفى
 وافردها بعد ما تبرد على صنيه عليها ورق زبده وابعدهم عن بعض  واحطهم فى الفريزر يجمدوا واطلعهم احطهم فى اكياس الحفظ وافرزهم ويطلعوا على الزيت السخن جدا على طول .

 •  جفظ الحضروات .

يمكن حفظ وتخزين معظم أنواع الخضروات في الفريزر، وعلى الرغم من أنّ التجميد يسبب تغيّراً في نسيج العديد من الخضار إلا أنّه يحافظ بشكل عام على مذاقها ومغذّياتها وفوائدها الصحيّة، ويعتبر التجميد طريقة جيّدة لتخزين وحفظ الخضار الموسميّة لاستخدامها في وقت لاحق خاصّةً في حال الرغبة في خلطها مع العصائر، ويمكن تجميد الخضار من خلال وضعها في حاويات محكمة الإغلاق ووضعها في الفريزر، ويجب تجنّب تجميد الخضار التي لا تعتبر ناضجة أو الخضار الورقيّة التي تؤكل نيّئة مثل الخس .

موفع - روائع القلم  .
تحرير - على حامد .

موقعنا على الانترنت

https://www.wonderfulpens.com/

موقع - الرياضه 

https://alisportss.blogspot.com/

صفحتنا على فيس بوك

https://www.facebook.com/منوعات-من-زمن-فات-377170989714291/

قناتنا على يوت يوب 

https://www.youtube.com/channel/UCFhL5cGKqCEssyN_tQPVwOg?app=desktop

تابعنا على تويتر

https://twitter.com/p8anT2GrvN7xHZf

تابعنا على انستجرام
https://www.instagram.com/

التنقل في الصفحة