فيروس كورونا . وقت الناس كانت خلاص محتاجة قلم يفوقها

فيروس كورونا . وقت الناس كانت خلاص محتاجة قلم يفوقها

قلم للصين اللي قبل الفيروس ب شهر واحد خرج رئيسها ف مؤتمر يقول "مفيش قوة في العالم تقدر توقف ولا تقف قدام الصين .

قلم للهند وما شابههم على فجورهم مع المسلمين .
 قلم للسعودية على إستهانتها بقدسية أراضيها والحفلات والمسخرة اللي بتحصل قرب الحرمين الشريفين، والإنحلال اللي ماشيين ف طريقه بخطى ثابته .

 قلم لأمريكا وأوروبا اللي أفتكروا إن مافيش أكبر منهم .
 قلم لمصر اللي أنتشر فيها جيل مدمر، ميعرفش غير الرقص والأغاني والمخدرات ولا كأنهم ولاد عم قريش
اللي أترفع فيها اللي مالهوش قيمه وأتداس ع المعلم والطبيب والمهندس وكل اللي تعبوا بجد .

 قلم للمسلمين اللي بعدوا عن ربهم وبيوته في الأرض فمنعهم عنها بالإكراه فبقي الشاب اللي كان بيكسل ينزل المسجد نفسه يعدي ويلاقيه مفتوح .
 قلم للي كان بيفوت صلاته ويكسل يقرأ القرآن أن قد ايه هو مقصر وخايف من لقاء ربنا .

 قلم لبيوت المسلمين اللي أتفككت وأصبحت الأسرة لا تجتمع إلا في المناسبات فمن رحمة ربنا أعطاهم فرصه إصلاح يصلوا ويذكروا ربنا سوا ويرجع حضن الأب والأم يغمروا البيت .
قلم للي أفتكر أن الموت بعيد عنه وعن أحبابه فقطع رحمه وخاصم أهله لأسباب دنيوية تافهه وفجأة لقوا الناس بتتخطف منهم .

 قلم للحكام والمسئولين اللي طغوا ف الأرض ومهما عليت ف أنت أضعف من كائن لا يرى بالعين المجردة .
قلم للعمال اللي كانوا يسمعوا الأذان ويخافوا على أكل عيشهم من ٥ دقايق يوقفوا فيها ونسيوا أن ربنا هو الرازق ونداء حي على الصلاة ف لقوا نفسهم قاعدين ف بيوتهم بدون عمل وأشغالهم وقفت .

الفيروس جه فجأه وللعالم كله بغض النظر عن أختلافات جينيه أو عوامل طقس أو جغرافية الدول المختلفه كأنه بيثبت للبشر إنهم واحد وكفايه عنصرية وغباء
الفيروس جه قلم لينا كلنا بس يارب نفوق قبل فوات الأوان .

( اللَّهُمَّ إِنِّي أَعُوذُ بِكَ مِنْ زَوَالِ نِعْمَتِكَ، وَتَحَوُّلِ عَافِيَتِكَ، وَفُجَاءَةِ نِقْمَتِكَ، وَجَمِيعِ سَخَطِكَ )